ವಾಗಣಗೇರಾ ಕೋಟೆ

ವಾಗಣಗೇರಾ ಕೋಟೆ ವಾಗಣಗೇರಾ ಕೋಟೆಯು ಈ ಭಾಗದ ಐತಿಹಾಸಿಕಮಹತ್ವವನ್ನು ಸಾರುವ ನಿಟ್ಟಿನಲ್ಲಿ ಮಹತ್ವ ಪಡೆದುಕೊಂಡಿದ್ದು,ಸುರಪೂರದಿಂದ ಪಶ್ಚಿಮ ದಿಕ್ಕಿಗೆ 6 ಕಿ.ಮೀ. ದೂರದಲ್ಲಿದೆ.ಸುರಪೂರ ದೊರೆಗಳ ಆಳ್ವಿಕೆಯ(1636-1858)ಆರಂಭದಲ್ಲಿ ಸುರಪೂರ ಸಂಸ್ಥಾನದ ರಾಜಧಾನಿಯಾಗಿತ್ತು. ಸುಮಾರು 18 ಎಕರೆ ವಿಸ್ತೀರ್ಣದಲ್ಲಿ ನಿರ್ಮಾಣಗೊಂಡಿರುವ ಕೋಟೆ ಸುಮಾರು 250 ಅಡಿ ಎತ್ತರದ ಬೆಟ್ಟದ ಮೇಲೆ ನಿರ್ಮಾಣಗೊಂಡಿದ್ದು,ಕೋಟೆಯೊಳಗಡೆ ಅಚ್ಚುಕಟ್ಟಾದ ಮೆಟ್ಟಿಲುಗಳುಳ್ಳ ಭಾವಿ ಮತ್ತು ಗೋಪಾಲಸ್ವಾಮಿ ದೇವಸ್ಥಾನಗಳನ್ನು ಒಳಗೊಂಡಿರುವುದು ವಿಶೇಷ.